SAJAK SUNDA

 RUWAT LEMBUR Sampurasun! Sampurasun! Sampurasun! Amit ampun nu paralun Ka Batara ka batari Ka Batara nu ngajaga Ka Batari nu ngajagi Nu lenggah di kahyangan Nu ngajaring beurang peuting Ka luhur neda papayung Papayung Nu Maha Agung Ka handap neda pangraksa Pangrakasa Maha Kawasa Kaler, kulon, kidul, wetan Tengahna pon pilalagi Karang tempat ruangriung Karang tempat kuring cicing Karang tempat magelaran Ngaguar seni budaya Tapak lacak nu ti heula Jadi talari tradisi Disanggi ku nu pandeuri Amit ka nu mangku lembur Nu keur nungsi di nu sepi Nu keur genah tumaninah Bilih keur calik-kausik Bilih keur lenggah -kapondah Kalengkahan kagandengan kaganggu kaliliwatan Neda ageung cukup lumur Neda jembar pangampura Sim kuring sakulawargi Kaula sakulawarga Niat rek ngaruwat jagat Maksud rek ngaruwat lembur Ngaliwatan tatanggapan Medah lampah pawayangan Pageran pawayangan Mangrupi seni pintonan Pamugi jadi tungtunan Panguar kamaslahatan Panyinglar kamadaratan Guareun pikahareupeun Regepkeun la...

 LEUNGITEUN Leungiteun, Abdi leungiteun Salami anjeun ngantunkeun Cicing karasa ngaheuning Nangtung karasa lumanjung Leumpang karasa longkewang Lumampah karasa seunggah Tuman rekes sauyunan Tuman kulem sakurungan Tuman tuang saamparan Tuman calik rerendengan Tuman miang sasarengan Ayeuna abdi nyorangan Taya tihang pamuntangan Tay gunung pananggeuhan Taya keur panyaluuhan Taya keur panyalindngan Teu bisa disisilahan Sok remen katurelengan Alatan kabungbulengan Duh, panutan Duh, jungjunan Salira pangawulaan Kiwari geus miheulaan Dipundut ku Nu Maha Heman Mungkas alam karamean Nincak alam kalanggeungan Pidu'a nganteng nyarengan Mugia kasinugrahan Nyandang rasa kabagjaan Nyanding surga kani'matan Diridoan ku Pangeran #sajaksunda

JALADRI ASIH Kasedih teu euih-euih, Estu peurih njuruh getih, Salirantos pulih, Diampih ku Nu Maha Asih, Jaladri asih kasilih, Henteu bisa disisilih, Salira insan pinilih, Sugih ku elmu lineuwih, Pangwawadi estu matih, Pikeun jiwa anu sagetih, Sarta insan nu sakolih, Sangkan hirup repeh-rapij, Paniatan wening galih, padamelan sepi pambrih, Abdi teu weleh meredih, Ngadua ka Nu Maha Asih, Mugia salira pinanggih, Kani'matan putih-ratih #Sajakasunda